Kwaphuma Ibhayibheli kwafakwa amakhondomu Ezikoleni.
Ngithi lafa elihle kakhulu,
bengithi lomkhuba wokufakwa kwamakhondomu ezikoleni nezamabanga aphansi
uzogwenywa noma kusetshenziswe enye indlela ukusiza idlanzana lezingane
ezisaziphethe kahle, kodwa kuyacaca ukuthi kuthiwa azilime ziyetsheni abafundi
abazitike ngocansi kungakabi isikhathi inqobo nje uma bezivikela.
Ngokusho kombiko oshicilelwe
kwi website ye “Love life” uthi kunezinhlangothi ezimbili kuloludaba. Uhlangothi
lokuqala oluthi ukufakwa kwamakhondomu ezikoleni kusho ukwehlulwa yimpi
yokunqanda abafundi ngokuzimbandakanya ocansini, nokukhula kwezinga lezingane
ezikhulelwayo zisafunda isikole. Uhlangothi lwesibili luthi ukufakwa
kwamakhondomu ezikoleni kubhebhethekisa ukwenziwa kocansi.
Ukuba khona noma ukungabikho
kwamakhondomu akwenzi ukuthi izingane zenze ucansi, kodwa kwenza izingane
zicabange ukuthi ukwenza ucansi zisencane kuyinto efanele nengaselona ihlazo.
Sekuyinto nje engasasabeki nengasenaso isithunzi njengona izingane sezifaka
ngisho nako facebook izithombe nama-video bangesabi nesithunzi sabo.
Konakele kakhulu ezweni lethu ngenxa yokukhula
kwe technology nokubukwa kakhulu izinto ezingakhi kumabonakude, abantu
sebephelelwe unembeza nokwazisa izinto okungamele zinekelwe izwe.
Omunye umkhokha obhebhethekisa
lemikhuba ezikoleni ekakhulukazi zethu thina ndlemnyama ukuphuma kwezifundo
zezenkolo ezikoleni. Ngokusho kwabantu abadala bathi lezifundo zazenza abantu
bawazi nomthetho kaNkulunkulu. Kodwa ngokuphuma kwalezi zifundo kwenze abantu
baziphathise okwezilwane.
Uma sengiphetha lengosi
ngizonxusa ukuthi kukhulu okusamele kwenziwe izinhlangano ezisemkhakheni
wokubhekela izidingo zabantu abasha, Kanye namabandla ukuthi kubuyiswe isithunzi
nobuntu ezikoleni. Izikole akungani inkundla zokuphuza nokubhema nokwenza
ucansi. Akuthi noma abafundi benikwa okokuzivikela kodwa bayazi nengxenye
yobungozi mayelana nokuzibandakanya kwezocansi ungakafiki ebudaleni. Kuphinde kusetshenzwe kanzima ukubuyisa isithunzi socansi
ngoba manje sekujike kwaba umdlalo wezingane zesikole.
