Igqubu
Lingakubulala Likuqede
Kulengosi namhlanje sizobheka imbangela enkulu ebanga ukufa
kwengaphansi lomuntu esingabuye sikuchaze njengokuba nenhliziyo embi.
Ukubamba
igqubu kungezinye zezinto ezibanga inhliziyo embi nenzondo.
Kubalulekile ukuxolela uma wenziwe kabi ngoba ukubamba
igqubu kubulala wena ngaphakathi, uke uthole ukuthi abanye abantu abasakwazi
ukuphumelela empilweni ngenxa yamagqubu awabambe enhliziyweni.
Uma ubuka loku kungaqhubeki empilweni ngenxa yegqubu kusuke
kungalimai impilo yalomuntu omubambeke igqubu, kodwa kusuke kume eyakho impilo.
Umenzi wegqubu usuke ephumelela kwesinye isikhathi ejabule esakhohlwa nokuthi
wake wakwenza okubi kodwa wena umile nenhliziyo eyitshe.
Omunye owazi izinto wathi uma ufuna ukuhlabekisa izitha,
zihlabekise ngempumelelo ngoba ayikho into ecasula isitha njengokubona lo
ohlukunyeziwe ephumelela empilweni.
Omunye angabuza ukuthi ungamxolela kanjani umuntu okwenze
okubi, mina ngingathi noma ngabe kukhulu kangakanani, akubalulekile okudlula
impilo yakho nempumelelo yakho. Ngakhoke
ukuxolela nokudlulisa kuyisinqubo somuntu eyedwa.
Lesi sinqumo siqukethe into enkulu okuwukukhululeka
kwenhliziyo nokuphikelela kuloku okubaluleke okudlula igqubu.
Sengiyiphetha nje lengosi ngizokhuthanza bantu bakithi
ukuthi asiyeke amagqubu ngoba avimba impumelo kuloyomnyama asincisha injabulo
nenkululeko.
